Еңбекті қорғау, азаматтық қорғаныс және қауіпсіздік техникасы,өрт қауіпсіздігі бөлімі

Бөлімнің басты мақсаты:

еңбекті қорғау;
қауіпсіздік техникасы, азаматтық қорғау және өрт қауіпсіздігі;
төтенше жағдайлар мен олардың салдарларының алдын алу және жою саласындағы нормативтік құқықтық актілер мен жергілікті нормативтік актілердің сақталуын үйлестіру және бақылау;
өндірістік жарақаттанудың, кәсіптік аурулардың және өндірістік факторларға байланысты аурулардың алдын алу бойынша профилактикалық жұмыстарды ұйымдастыру болып табылады.

Бөлімнің міндеттері:

– Университет қызметкерлерінің еңбек қауіпсіздігі және еңбекті қорғау талаптарын орындауын қамтамасыз ету бойынша жұмысты ұйымдастыру;

– Университет қызметкерлерінің еңбек қауіпсіздігі және еңбекті қорғау туралы заңдар мен өзге де нормативтік құқықтық актілерді, ұжымдық шартты, еңбек қауіпсіздігі және еңбекті қорғау жөніндегі келісімді, Университеттің басқа да жергілікті нормативтік құқықтық актілерін сақтауын бақылау;

– өндірістік жарақаттанудың, кәсіптік аурулардың және өндірістік факторларға байланысты аурулардың алдын алу бойынша профилактикалық жұмыстарды, сондай-ақ жақсарту жөніндегі жұмыстарды ұйымдастыру;

– университет қызметкерлерін, оның ішінде басшылықты еңбек қауіпсіздігі және еңбекті қорғау мәселелері бойынша ақпараттандыру және кеңес беру;

– Университет қызметкерлерінің азаматтық қорғау және өрт қауіпсіздігі саласындағы заңдар мен өзге де нормативтік құқықтық актілердің сақталуын бақылау;

– Сапа менеджменті жүйесінің, университеттің сапа саласындағы саясатының және университеттің сапа саласындағы басқа да ішкі нормативтік құжаттарының талаптарын сақтау.

– Сыбайлас жемқорлыққа қарсы іс-қимыл менеджменті жүйесінің, сыбайлас жемқорлыққа қарсы іс-қимыл саясатының, Қазақстан Республикасының ішкі нормативтік құжаттары мен заңнамалық актілерінің, сыбайлас жемқорлыққа қарсы іс-қимыл бөлігінде талаптарын сақтау.