Беделді халықаралық Quacquarelli Symonds (QS) рейтингтік агенттігі жүргізген тәуелсіз бағалау нәтижелері бойынша, С.Ж. Асфендияров атындағы Қазақ ұлттық медицина университеті QS Stars Rating System халықаралық рейтингтік жүйесінде ең жоғары «5 жұлдыз» дәрежесіне ие болып, университеттің білім беру, ғылыми және инновациялық қызметінің жоғары сапасын растады.

QS (Quacquarelli Symonds) — әлемдегі жоғары білім беру саласындағы жетекші халықаралық аналитикалық компаниялардың бірі, ол әлем университеттерін бағалауға маманданған. Университеттің QS рейтингіне қатысуы оның білім беру мен ғылыми қызмет сапасының халықаралық стандарттарға сәйкестігін растайды, сондай-ақ жаһандық академиялық кеңістіктегі бәсекеге қабілеттілік деңгейін көрсетеді.

THE — британдық Times Higher Education (THE) агенттігі әзірлеген халықаралық университеттер рейтингі. Ол жоғары оқу орындарының Біріккен Ұлттар Ұйымының Тұрақты даму мақсаттарына қол жеткізуге қосқан үлесін бағалайды. Университеттің THE рейтингіне қатысуы оның қоғамның тұрақты дамуына практикалық үлес қосуға ұмтылысын және әлеуметтік әрі ғылыми қызметінің халықаралық деңгейде мойындалғанын көрсетеді.