2026 жылғы түлектермен мемлекеттік білім беру гранты бойынша міндетті үшжылдық еңбек өтеу, түлектерді бөлу тәртібі, міндетті өтелуден босату негіздері және «Қаржылық орталық» АҚ-пен өзара әрекеттесу мәселелері бойынша ақпараттық-түсіндіру жұмыстары жүргізілді.

Кездесуге қатысқандар:

  • Университет проректоры — У. М. Датхаев;
  • Білім алушыларды қолдау және дамыту департаментінің басшысы — Ш. Р. Шермет;
  • Декандар мен декан орынбасарлары, деканат қызметкерлері;
  • Мансап және жұмыспен қамту орталығының қызметкерлері;
  • «Қаржылық орталық» АҚ өкілі — А. Тыныбеков.

Кездесуге 2026 жылғы шамамен 789 түлек қатысты, оның ішінде:

  • Бакалавриат – 370 адам, оның:

352 — «Фармацевтикалық өндіріс технологиясы»;

18 — «Фармация»;

  • Интернатура – 306 адам, оның:

157 — «Жалпы медицина»;

137 — «Педиатрия»;

12 — Халықаралық факультет;

  • Резидентура – 113 адам.

Кездесуді ашқан проректор У. М. Датхаев мемлекеттік грант және ауылдық квота бойынша білім алған түлектер үшін кездесу маңыздылығын атап өтті.

Мансап және жұмыспен қамту орталығының басшысы Ж.Т.Қашағанова түлектерді жұмысқа орналастыру тәртібі, міндетті өтелуден босатылатын тұлғалардың санаттары, сондай-ақ түлектерді жұмыспен қамтуға жәрдемдесуге бағытталған орталық қызметі туралы ақпарат берді.

«Қаржылық орталық» АҚ өкілі А.Тыныбеков міндетті үшжылдық еңбек өтелуін бақылау және мониторинг жүргізу тетіктері, жұмыспен қамту туралы хабарлау тәртібі және 1414 жүйесі арқылы өзара әрекеттесу рәсімдері жөнінде толық мәлімет ұсынды.

Кездесу кезінде түлектер жоғары белсенділік танытып, келесі бағыттар бойынша сұрақтар қойды:

  • міндетті өтелуден босату тәртібі және шарттары;
  • еңбек қызметін растау және есептілік;• жұмыс орнын таңдау мүмкіндігі (мемлекеттік және жеке ұйымдар);
  • 1414 арқылы хабарлау рәсімі;
  • өтелуден бас тартқан жағдайда жауапкершілік және қаражатты қайтару тәртібі.

Кездесу ашық әрі конструктивті форматта өтті. Түлектер мемлекеттік грант бойынша міндеттемелерді орындауға қатысты нормативтік-құқықтық база және практикалық сұрақтар бойынша толық түсініктеме алды.

Ұсыныстар:
•факультеттер деңгейінде түсіндіру жұмыстарын жалғастыру;
• Мансап және жұмыспен қамту орталығында қосымша жеке консультациялар ұйымдастыру;
• ақпарат алмасуды уақытылы қамтамасыз ету мақсатында «Қаржылық орталық» АҚ-пен өзара әрекеттесуді күшейту.