2025 жылғы 28 ақпанда С.Ж.Асфендияров атындағы Қазақ ұлттық медицина университетінде дәстүрлі Жұмыс орындары жәрмеңкесі сәтті өтті. Бұл шара болашақ дәрігерлер, фармацевтер және жұмыс берушілер үшін маңызды оқиғаға айналды.

Осы жылы ҚазҰМУ 2578 маман шығарды, олардың 1942-сі мемлекеттік грант бойынша оқыған:

— Жалпы медицина – 656 түлек
— Педиатрия – 146
— Стоматология – 139
— Резидентура – 675
— Фармация және фармацевтикалық өндіріс технологиясы – 789

Биыл Қазақстанның медициналық ұйымдары ҚазҰМУ-ға 2290 бос жұмыс орнына өтінім жіберді. Ең сұранысқа ие мамандықтардың бірі – жалпы дәрігерлік практика, бұл бағыт бойынша 317 орын ұсынылды.

— Акушерлік және гинекология – 173
— Жедел медициналық көмек – 128
— Терапия – 108
— Хирургия, кардиология, педиатрия – 76

Дәрігерлерге ең жоғары сұраныс бар өңірлер:
— Батыс Қазақстан облысы – 371 бос орын

— Қостанай облысы – 287
— Ақмола облысы – 210
— Павлодар облысы – 171
— Түркістан облысы – 253

Соңғы жылдардағы ҚазҰМУ түлектерінің жұмысқа орналасу деңгейі тұрақты түрде жоғары болып келеді:

— 2022 жыл – 99,0%
— 2023 жыл – 99,1%
— 2024 жыл – 99,3%

«Білім туралы» ҚР Заңына енгізілген түзетулерге сәйкес, мемлекеттік грант негізінде білім алған түлектер меншік нысанына қарамастан кез келген медициналық ұйымдарда міндетті түрде еңбек өтеу мүмкіндігіне ие болды.

Өңірлерде жұмыс істеуге дайын түлектерге көтерме төлемдер, қызметтік тұрғын үй және әлеуметтік жеңілдіктер ұсынылды. Бұл өңірлерде медицина саласының дамуына және кәсіби өсуге қосымша мүмкіндік береді.

Іс-шара барысында түлектер жұмыс берушілермен тілдесіп, бос жұмыс орындары туралы ақпарат алып, еңбек ету шарттарын талқылады.

Көптеген жас мамандар жұмысқа орналасу туралы ұсыныстар алып, алдын ала келісімшарттарға қол қойды.

Жұмыс берушілер ҚазҰМУ түлектерінің дайындық деңгейінің жоғары екенін атап өтіп, университетпен ынтымақтастықты жалғастыруға дайын екендерін білдірді.