2025 жылғы 6–16 қазан
Қазақстан, Алматы қ. — С.Ж. Асфендияров атындағы ҚазҰМУ

2025 жылғы 6–16 қазан аралығында Қазақстанда Пәкістанның жоғары лауазымды медициналық және академиялық делегациясының ресми сапары өтті. Бұл сапар Қазақстан – Пәкістан түлектер форумы және Пәкістандағы Қазақстан Республикасының Елшілігінің қолдауымен ұйымдастырылды.

Сапардың негізгі мақсаты — Қазақстан мен Пәкістан арасындағы академиялық, клиникалық және ғылыми байланыстарды нығайту, сондай-ақ медициналық білім беру, хирургия және травматология салаларында ынтымақтастықты дамыту болды.

ҚазҰМУ-ға сапар
2025 жылғы 15 қазанда делегация С.Ж.Асфендияров атындағы Қазақ ұлттық медицина университетіне (ҚазҰМУ) келді. Университет басшылығы мен студенттер қонақтарды жылы қабылдады. Іс-шараға бірінші курс студенттері қатысты. Бұл кездесу олар үшін халықаралық ынтымақтастық пен кәсіби сабақтастықтың жарқын үлгісі болды.

ҚазҰМУ түлегі, жалпы, лапароскопиялық және бариатриялық хирургия бойынша консультант, қауымдастырылған профессор, доктор Гохар Латиф құттықтау сөз сөйлеп, студенттерге оқуда табыс тілеп, ҚазҰМУ — мақтануға тұрарлық альма-матер екенін атап өтті.

Сапар барысында делегация проректор, профессор, Бітірушілер Ассоциациясының төрағасы У.М.Датхаевпен және шетелдік студенттер факультетінің деканы, профессор Н.Ж.Джардемалиевамен кездесті. Әңгіме барысында академиялық және клиникалық ынтымақтастықтың перспективалары, сондай-ақ Қазақстан – Пәкістан түлектер форумы арқылы кәсіби байланысты нығайту және тәжірибе алмасу мәселелері талқыланды.

Пәкістан делегациясының құрамы:

• д-р Насир Гул Лаэк — травматолог-консультант, делегация жетекшісі;
• қауымдастырылған проф. д-р Гохар Латиф — жалпы, лапароскопиялық және бариатриялық хирургия консультанты;
• д-р Абдул Саттар — LRH омыртқа ортопедиясы бөлімінің төрағасы;
• д-р Наим Уллах — ортопед-консультант;  д-р Ариф — аға ортопед-консультант;
• д-р Ихсан Хан — пластикалық хирург-консультант;
• д-р Анвар Хан — педиатр;
• д-р Мухаммад Шахбаз — анестезиолог;
• д-р Мир Дауд Гул — стоматолог;
• Фармацевтика секторының өкілдері — Раух Ахмад, Иджаз Ахмад және Амир Шах (Pharmax Pakistan).

Бұл сапар Қазақстан мен Пәкістан арасындағы халықаралық медициналық және академиялық ынтымақтастықты дамытудағы маңызды қадам болды. Ол тәжірибе алмасу мен бірлескен жобаларды іске асырудың жаңа мүмкіндіктерін ашты.