Бітірушілердің кәсіби дағдыларын дамыту бойынша жүйелі жұмыстың аясында Мансап және жұмыспен қамту орталығы жас мамандардың еңбек нарығындағы бәсекеге қабілеттілігін арттыруға бағытталған онлайн-тренингтердің сериясын ұйымдастырды.

Тренингтер ZOOM платформасы арқылы өткізілді. Бұл формат жоғары курс студенттерін, интерндер мен резиденттерді кеңінен қамтуға мүмкіндік берді.
Жалпы 817 қатысушы қатысты.

Тренингтердің негізгі тақырыптары

1. Мансаптық сұхбатқа дайындалу

Қатысушылар келесі бағыттар бойынша практикалық кеңестер алды:

• кәсіби сұхбаттың құрылымы мен кезеңдері;
• өзін-өзі таныстыру және мінез-құлық стратегиялары;
• медицина саласындағы жұмыс берушілердің жиі қоятын сұрақтары;
• сұхбат барысында жіберілетін қателіктер.

Сонымен қатар интерактивті мысалдар талқыланып, мини-рөлдік сұхбаттар өткізілді.

2. Кәсіби CV/резюме дайындау

Спикерлер тиімді және заманауи резюме жасаудың жолдарын түсіндірді:

• медицина қызметкеріне арналған міндетті бөлімдер;
• тәжірибе және волонтерлік жұмысты дұрыс көрсету;
• кәсіби дағдылар мен құзыреттерді сипаттау;
• HR жүйелері үшін қажетті кілт сөздерді қолдану.

Қатысушыларға дайын шаблондар мен табысты резюмелердің үлгілері ұсынылды.

3. Кепілдік  хат дайындау

Бұл бөлімде мына мәселелерге басымдық берілді:

• хат құрылымы;
• мотивацияны дұрыс дәлелдеу;
• медициналық ұйымдарға бейімдеу;
• кәсіби алғашқы әсер қалыптастыру.

Түлектер резюмені толықтыратын және жұмысқа орналасу мүмкіндігін арттыратын тиімді кепілдік хат жазуды үйренді.

Әрбір қатысушы:

• спикерлерге сұрақ қою;
• жеке резюме бойынша ұсыныс алу;
• өз кепілдік хатын Мансап орталығы мамандарына тексеруге жіберу мүмкіндігін алды.

Күтілетін нәтижелер

Өткізілген тренингтер:

• түлектердің кәсіби дайындығын арттыруға;
• өзін-өзі таныстыру дағдыларын дамытуға;
• Қазақстан және шетелдің медицина ұйымдарына жұмысқа орналасуды жеңілдетуге ықпал етеді.

Мансап және жұмыспен қамту орталығы студенттерді кәсіби даму жолында қолдау мақсатында онлайн және офлайн форматтағы оқыту іс-шараларын жалғастырады.