Call-center:+7(727)338-70-90
Қабылдау комиссиясы:+7(727)338-70-27
Канцелярия: +7(727)338-70-30 ішкі:71-50
Архив: +7(727)338-70-00 ішкі:73-73
Email: [email protected]
Мекен-жайы: Алматы қаласы, Төле Би көшесі 94
С.Ж. Асфендияров атындағы Қазақ Ұлттық Медицина Университеті | © ҚазҰМУ 2023-2025
Датхаев Убайдилла Махамбетович – фармацевтика ғылымдарының докторы, профессор, С.Д. Асфендияров атындағы Қазақ ұлттық медицина университетінің проректоры.
1969 жылы Қазақ КСР-нің Оңтүстік Қазақстан облысы Киров ауданы Первомай ауылында дүниеге келген. 1990 жылы Алматы мемлекеттік медицина институтының (АГМИ) фармацевтика факультетін тәмамдаған.
Еңбек жолын 1990 жылы АГМИ-дің дәрілік қалыптар технологиясы кафедрасында стажер-оқытушы ретінде бастап, кафедра меңгерушісіне дейінгі жолды жүріп өтті. Әр жылдары емдеу және фармацевтика факультеттерінің декан орынбасары, сырттай оқу бөлімінің жетекшісі, фармацевтика факультетінің деканы (2010-2015 жж.), Фармация институтының директоры (2015-2016 жж.), фармацевтикалық пәндер кафедрасының меңгерушісі (2016-2017 жж.) қызметтерін атқарды. 2016 жылдан бері С.Д. Асфендияров атындағы ҚазҰМУ-дің Фармацияны ұйымдастыру, басқару және экономика және клиникалық фармация кафедрасының профессоры.
2013 жылы «Менеджмент» мамандығы бойынша екінші жоғары білім алды.
1998 жылы кандидаттық диссертациясын «Пародонт ауруларын емдеуге арналған пасталардың құрамы мен технологиясын әзірлеу және оларды стандарттау» тақырыбында қорғады, ал 2009 жылы докторлық диссертациясын «Жаңа негіздерде жұмсақ дәрілік қалыптарды жасаудың технологиялық аспектілері» тақырыбында қорғады. 2006 жылы доцент атағын, 2019 жылы «Фармация» мамандығы бойынша профессор атағын алды.
Жарияланымдары
450-ден астам ғылыми жарияланымның, оның ішінде Scopus және Web of Science базаларында индекстелген 43 мақаланың (Scientific Reports, Planta Medica, Non-coding RNA Research, Medical Science Monitor, Molecules, Cancers және т.б.), 5 оқулықтың, 15 оқу құралдарының, 16 монографияның, 30-дан астам авторлық куәлік пен патенттің авторы. Хирш индексі – 10.
19 PhD докторын, 30-дан астам магистрді дайындады, қазіргі уақытта 2 магистрант пен 5 PhD докторантының ғылыми жетекшісі. Қазақстан Республикасының «Фармацевтикалық өндіріс технологиясы» және «Фармация» мамандықтары бойынша Мемлекеттік білім беру стандарттарының авторы.
Марапаттары
Ғылыми-педагогикалық қызметтегі жетістіктері үшін марапатталған:
ORCID:https://orcid.org/0000-0002-2322-220X
Scopus ID: 55777169700
Устенова Гульбарам Омаргазиевна –фармацевтика ғылымдарының докторы, профессор, С.Д. Асфендияров атындағы Қазақ Ұлттық Медицина университетінің фармацевтикалық технология кафедрасының меңгерушісі. 1971 жылы туған. 1993 жылы Алматы Мемлекеттік Медицина Институтының фармацевтика факультетін үздік бітірген. 2001 жылы «Экономика және менеджмент» мамандығы бойынша екінші жоғары білім алды.
Фармацевтикалық технология, фармацевтикалық дәрілік заттарды әзірлеу, парафармацевтикалық технология, косметологиялық өнімдер технологиясы, фармацевтикалық білім беру саласындағы маман.
Еңбек жолын 1993 жылы «Медстандарт» мекемесінде ғылыми – стажер ретінде бастады. 1996 жылы С.Д. Асфендияров атындағы Қазақ Ұлттық Медицина Университетінде жұмысын жалғастырды, фармацевтикалық технология кафедрасының меңгерушісі қызметін атқарады, содан бері бірнеше жыл бойы бөлім меңгерушісі болып келеді.
2000 жылы «Шипала Май GF» негізіндегі дәрілік формалардың оңтайлы құрамы мен технологиясын жасау» тақырыбында кандидаттық диссертациясын қорғады, 2010 жылы «Көмірқышқыл газының аса критикалық сығындылары негізінде өсімдік препараттарды жасаудың технологиялық және биофармацевтикалық аспектілері» тақырыбында докторлық диссертациясын қорғады. 2019 жылы «Фармация» мамандығы бойынша профессор атағын алды.
2010-2017 жылдар аралығында фармация оқу департаментінің директоры қызметін атқарды. 2018-2024 жылдар аралығында «Фармация» және «Фармацевтикалық өндіріс технологиясы» мамандықтары бойынша Диссертациялық кеңес (ДС) төрағасының орынбасары. Сонымен қатар, жоғары және жоғары оқу орнынан кейінгі білім беру бағдарламаларының тізілімінің сарапшысы болып табылады. Ол сондай-ақ Еуразиялық аккредиттеу орталығының мүшесі, С.Д. Асфендияров атындағы ҚазҰМУ түлектері қауымдастығының (Алматы) және Еуропалық фармацевтикалық факультеттер қауымдастығының (EAFP) мүшесі.
Қазіргі таңда С.Д. Асфендияров атындағы ҚазҰМУ Ғылыми кеңесінің мүшесі, Фармация бойынша Жобаны басқару тобы (ЖБТ), С.Д. Асфендияров атындағы ҚазҰМУ Биоэтика жөніндегі жергілікті комиссия, Фармация мектебінің Кеңесі, Фармация ғылыми комитеті, сонымен қатар ТОО «КФК Далафарм» и ҒӨК «Антиген» ғылыми кеңесшісі.
Жарияланымдар
300-ден астам ғылыми жарияланымның, оның ішінде Scopus және Web of Science деректер қорында индекстелген журналдардағы 30 мақаланың, 2 оқу-әдістемелік кешеннің, 2 оқу-әдістемелік құралының, 4 ғылыми монографияның, 6 оқу үдерісі бойынша, 20-дан астам инновациялық патенттер мен авторлық куәліктердің авторы.
11 PhD докторларын, 44 магистрлерді дайындады, қазіргі уақытта 4 магистрант пен 5 PhD докторантқа жетекшілік етеді.
Хирш индексі – 7
«Фармацевтикалық өндіріс технологиясы» және «Фармация» мамандықтары бойынша Қазақстан Республикасының Мемлекеттік білім беру стандарттарының авторы.
10-нан астам ғылыми жобалардың, соның ішінде университеттегі, мемлекеттік және халықаралық деңгейдегі жобалардың жетекшісі және орындаушысы болды. Қазіргі уақытта Қазақстан Республикасы Ғылым және жоғары білім министрлігінің (ҚР Ғылым және жоғары білім министрлігінің) 1 университеттік грантының жетекшісі және 2 ғылыми жобаның орындаушысы. Ресей, Украина, Польша, АҚШ, БАӘ, Малайзия, Франция, Греция, Малайзия, Мальта, Испания және басқа елдерде өткен халықаралық конференцияларда ауызша және постерлік баяндамаларға қатысты.
Марапаттары
Ғылыми-педагогикалық қызметтегі жетістіктері үшін:
Устенова Г.О. біздің жеке фармацевтер және фармацевтикалық өндіріс технологтары мектебі құрылды. Профессор Устенова Г.О. шәкірттері халықаралық және республикалық байқауларға қатысып, GxP саммит, ҚР-Елбасы тұңғыш Президентінің Қоры, Шапағат, GxP-Фест 2024, Үздік жас зерттеуші сыйлығы сияқты байқаулардың жеңімпаздары мен номинанттары болды.
Кожанова Калданай Каржауовна – Фармацевтика ғылымдарының кандидаты, қауымдастырылған профессор, С. Д. Асфендияров атындағы Қазақ ұлттық медицина университетінің инженерлік пәндер және тиісті тәжірибелер кафедрасының меңгерушісі. 1970 жылы Оңтүстік Қазақстан облысында дүниеге келген. 1994 жылы Алматы мемлекеттік медицина институтының фармацевтика факультетін бітірген.
Педагогикалық қызметін Республикалық медициналық колледжінде бастады. 1994-2004 жылдары Республикалық медициналық колледжінде оқытушы болып жұмыс істеді. 2004-2019 жылдары С. Д. Асфендияров атындағы ҚазҰМУ-дың «Фармацевтикалық технология және инженерлік пәндер» кафедрасында оқытушы қызметін атқарды. 2010-2014 жылдары «Фармация» мамандығы бойынша Практикалық дағдылар орталығының жетекшісі қызметін негізгі жұмысымен қатар атқарды. 2015-2016 жылдары С. Д. Асфендияров атындағы ҚазҰМУ-дың фармацевтика факультетінің деканы болып қызмет атқарды. 2019 жылдан бастап инженерлік пәндер және тиісті тәжірибелер кафедрасының меңгерушісі болып жұмыс істейді. 2019 жылы «Фармация» мамандығы бойынша қауымдастырылған профессор ғылыми атағын алды.
2010 жылы «Самырсын майы негізіндегі жаңа дәрілік заттардың құрамы мен технологиясын әзірлеу» тақырыбында 15.00.01 – «Дәрілік қалыптар технологиясы және фармацевтикалық ісін ұйымдастыру» мамандығы бойынша кандидаттық диссертациясын сәтті қорғады.
Жарияланымдары
150-ден астам ғылыми жарияланымның, оның ішінде Scopus және Web of Science базаларында индекстелген 14 мақаланың (Scientific Reports, Planta Medica, Non-coding RNA Research, Medical Science Monitor, Molecules, Cancers және т.б.), 2 оқулықтың, 2 монографияның, 20-дан астам авторлық куәлік пен патенттің авторы. Хирш индексі – 7.
3 PhD докторын, 50-дан астам магистрді дайындады, қазіргі уақытта 3 магистрант пен 5 PhD докторантының ғылыми жетекшісі және кеңесшісі. Қазақстан Республикасының «Фармацевтикалық өндіріс технологиясы» мамандығы бойынша типтік оқу бағдарламаларының және «Фармация» мамандығы бойынша Мемлекеттік білім беру стандарттарының авторы.
Марапаттары
Ғылыми-педагогикалық қызметтегі жетістіктері үшін марапатталған:
— С. Д. Асфендияров атындағы ҚазҰМУ-дың қола медалі (2016);
— Қазақстан Республикасы Денсаулық сақтау министрлігінің Құрмет грамотасы (2018);
— «ҚР денсаулық сақтау ісіне қосқан үлесі үшін» төсбелгісі (2019);
— Қазақстан Республикасы Денсаулық сақтау министрлігінің «Алтын Шипагер» ұлттық сыйлығының «Үздік медициналық ЖОО оқытушысы» номинациясы бойынша Құрмет грамотасы (ҚР ДСМ, 2023);
— «Қазақстанның үздік ЖОО оқытушысы – 2024» атағы (ҚР ҒЖБМ, 2024).
ORCID: https://orcid.org/ 0000-0003-1512-6442
Scopus ID 57211690368
Жакипбеков Қайрат Сапарханович, философия докторы (PhD), қауымдастырылған профессор, денсаулық сақтау үздігі. Ол әр жылдары оқуын аяқтағаннан кейін Оңтүстік Қазақстан мемлекеттік медицина академиясында – ОҚММА (2003-2012 жж.), С.Д. Асфендияров атындағы Қазақ ұлттық медицина университетінде – ҚазҰМУ (2012-2016 жж.), Астана медицина университетінде – АМУ (2016-2017 жж.) оқытушы болып жұмыс істеген. Ғылыми-педагогикалық бағыттағы магистратураны «Фармация» мамандығы бойынша ОҚМФА-да (2010-2012 жж.), ал PhD докторантураны ҚазҰМУ-да (2012-2015 жж.) тәмамдаған. 2021 жылы оған «Фармация» мамандығы бойынша «Қауымдастырылған профессор» ғылыми атағы берілді. 2017 жылдан бастап қазіргі уақытқа дейін ҚазҰМУ-дың Фармация мектебінің фармацияның ұйымдастырылуы, басқарылуы және экономикасы және клиникалық фармация кафедрасының меңгерушісі қызметін атқарып келеді.
2018-2021 жылдары «Фармация» және «Фармацевтикалық өндіріс технологиясы» мамандықтары бойынша Диссертациялық кеңестің (ДК) ғылыми хатшысы, ал 2022 жылдан бастап осы кеңестің тұрақты мүшесі болып келеді. Сонымен қатар, ол «Болашақ» бағдарламасы бойынша шетелде оқуға үміткерлерді іріктеу жөніндегі тәуелсіз сараптамалық комиссияның, жоғары және жоғары оқу орнынан кейінгі білім беру бағдарламаларын сараптау жөніндегі жұмыс тобының, «Фармация» білім беру бағдарламасы түлектерін тәуелсіз бағалауға арналған емтихан материалдарын әзірлеу жөніндегі комиссияның және ҚазҰМУ-дың көптеген комиссиялары мен сараптамалық топтарының құрамына кіреді.
Сондай-ақ, ол Алматы қаласының фармацевтерді қолдау және фармацевтикалық білім мен ғылымды дамыту қауымдастығының (2015 жылдан бастап), ОҚММА түлектер қауымдастығының (Шымкент, 2018 жылдан бастап), ҚазҰМУ түлектер қауымдастығының (Алматы, 2019 жылдан бастап), сондай-ақ клиникалық фармакологтар мен фармацевтердің кәсіби қауымдастығының (2023 жылдан бастап) мүшесі болып келеді.
Ол «Management, Economics and Quality Assurance in Pharmacy» ғылыми журналының (Ұлттық фармацевтикалық университет, Харьков, Украина) редакциялық алқасының мүшесі және «Фармация Казахстан» ғылыми-практикалық журналының (ҚР Ғылым және жоғары білім министрлігі ұсынған журналдар тізіміне кіреді) рецензенті болып саналады.
Жарияланымдар
Жакипбеков К.С. 400-ден астам ғылыми-әдістемелік еңбектің авторы, олар халықаралық және отандық басылымдарда жарияланған. Оның ішінде 38 ғылыми мақала Scopus және Web of Science деректер базасына кіретін халықаралық рецензияланған ғылыми журналдарда жарық көрген, 3 ұжымдық монография, 51 әдістемелік нұсқаулық, 17 патент және 33 авторлық куәлік бар. Жакипбеков Қ.С. басшылығымен 2 философия докторы (PhD) дайындалған. Қазіргі уақытта ол «Фармация» және «Фармацевтикалық өндіріс технологиясы» мамандықтары бойынша 4 PhD докторанттың ғылыми кеңесшісі. Оның Хирш индексі (H-index) 10-ға тең.
Жакипбеков К.С. ҚазҰМУ-дың әртүрлі жылдардағы университетішілік конкурстарының 4 ғылыми-техникалық жобасының ғылыми жетекшісі және 1 бастамашылық жобаның жетекшісі. Сондай-ақ, ҚазҰМУ-дың әр жылдардағы университетішкілік конкурстарындағы 2 ғылыми-техникалық жобаның орындаушысы болып табылады.
Марапаттары
Жакипбеков К.С. көптеген байқаулардың жүлдегері, соның ішінде:
— 2018 ж. «Жыл ғалымы – 2018» I Халықаралық байқауының «Жоғары оқу орнының оқытушысы» номинациясының жеңімпазы, Таганрог қ., РФ;
— 2018 жылы ҚР БҒМ «ЖОО-ның үздік оқытушысы» атағының иегері;
— 2019 жылы ҚР ДСМ «Денсаулық сақтау жүйесіндегі үздік медициналық ЖОО оқытушысы» байқауының жеңімпазы;
— 2021 жылы ҚР ДСМ «Алтын Шипагер» бірінші медициналық премиясы аясында өткен «Біздің сүйікті дәрігер» республикалық байқауында «Денсаулық сақтау жүйесіндегі үздік ғалым» номинациясының жеңімпазы және т.б.
Ғылыми-педагогикалық қызметтегі жетістіктері үшін марапатталған:
— 2021 ж. Тәуелсіз Мемлекеттер Достастығының ғылым мен білімнің дамуына қосқан үлесі үшін «Үздік педагог – 2021» марапат медалімен;
— 2021 ж. Жоғары білім беру жүйесін дамытуға және жоғары білікті мамандар даярлауға қосқан баға жетпес үлесі үшін «А. Байтұрсынов» Күміс медалімен;
— 2022 ж. Тәуелсіз Мемлекеттер Достастығының «Үздік педагог – 2022» марапат медалімен;
— 2022 ж. Қазақстан Республикасының ғылымы мен білімін дамытуға қосқан үлесі үшін марапат медалімен;
— 2022 ж. Қазақстан Республикасының білім мен ғылымын дамытуға қосқан баға жетпес үлесі үшін «Ұстаз» орденімен;
— 2022 ж. Қазақстан Республикасының денсаулық сақтау саласын дамытуға қосқан баға жетпес үлесі үшін «Денсаулық сақтау саласындағы үздік» орденімен;
— 2023 ж. «Ибн Сина» I дәрежелі орденімен марапатталған;
— 2023 ж. «Қазақстан Республикасының құрметті азаматы» медалімен;
— 2023 ж. «Қазақстан Республикасының еңбек сіңірген қызметкері» орденімен;
— 2023 ж. «Үздік ғылыми қызметкер – 2023» медалімен;
— 2024 ж. «Денсаулық сақтау үздігі» медалімен;
— 2024 ж. «С.Ж. Асфендияров» 135 жылдық мерейтойына орай медалімен және т.б.
ORCID: https://orcid.org/0000-0003-3179-9460
Scopus ID: https://www.scopus.com/authid/detail.uri?authorId=55777292500
Web of Science ResearcherID: https://www.webofscience.com/wos/author/record/HKE-9955-2023
