С.Ж.Асфендияров атындағы Қазақ ұлттық медициналық университетінде жыл сайын мемлекеттік білім беру тапсырысы негізінде оқыған түлектерді жұмыс орындарына бөлу, босату және қайта бөлу жұмыстары жүргізіледі.
 
Комиссияның қызметі Қазақстан Республикасының «Білім туралы» Заңына және Қазақстан Республикасы Ғылым және жоғары білім министрінің м.а. 2023 жылғы 11 тамыздағы №403 бұйрығымен бекітілген «Мемлекеттік білім беру тапсырысы бойынша оқыған Қазақстан Республикасы азаматтарын жұмысқа жіберу, бюджет қаражаты есебінен жұмсалған шығындарды өтеу, өз бетінше жұмысқа орналасу құқығын беру, міндетті өтеуден босату немесе оны тоқтату қағидалары» талаптарына толық сәйкес жүзеге асырылады.
 
Комиссияның негізгі міндеттері:
 
  • түлектерді Қазақстан Республикасының медициналық және медициналық емес ұйымдарына бөлу;
  • заңды негіздер бойынша (жүктілік, 3 жасқа дейінгі бала болуы, мүгедектік және т.б.) міндетті өтелуден босату туралы өтініштерді қарау;
  • отбасылық және әлеуметтік жағдайларға байланысты түлектерді қайта бөлу;
  • кейінге қалдыру беру және өткен жылдар түлектерінің өтініштерін қарастыру;
  • түлектердің мемлекеттік міндеттемелерін орындау мәселелері бойынша ҚР Ғылым және жоғары білім министрлігі, ҚР Денсаулық сақтау министрлігі және «Қаржы орталығы» АҚ-пен өзара әрекеттесу.

2025 жылғы жұмыс нәтижелері

2025 жылы өткізілген үш отырыс қорытындысы бойынша:

  • мемлекеттік тапсырыс негізінде 1926 түлек оқуын аяқтады, оның ішінде 134-і ауылдық квота бойынша;
  • 1680 түлек Қазақстан Республикасының медициналық ұйымдарына бөлінді;
  • 287 түлек әлеуметтік және медициналық негіздер бойынша міндетті өтелуден босатылды;
  • 432 түлек әрі қарай оқуға (резидентура, магистратура, докторантура) түсті;
  • 624 түлек жұмысқа орналасты, соның ішінде 140-ы ауылдық жерге.
  • Айрықша назар өңірлердегі жұмыспен қамту мәселелеріне және барлық меншік нысанындағы медициналық ұйымдармен өзара ынтымақтастыққа аударылды.
Өзара әрекеттесу және нормативтік базаны жетілдіру
 
Комиссия Қазақстан Республикасының Денсаулық сақтау министрлігі және «Қаржы орталығы» АҚ-пен белсенді түрде жұмыс жүргізеді.
 
Соңғы отырыстың нәтижесі бойынша №403 Қағидасына өзгерістер енгізу туралы ұсыныс жасалды — жеке медициналық ұйымдарға жолдауды нақтылау бөлігінде:
  • ЖШС-ларда міндетті өтелуді тек ТМККК және (немесе) МӘМС қызмет көрсетушісі мәртебесі болған жағдайда ғана рұқсат ету; •
  • аталған мәртебе болмаған жағдайда — жолдаудан бас тарту.

Сондай-ақ шешімдер қабылдау кезінде айқындықты, құқықтық дәлдікті және бірыңғай тәсілді қамтамасыз ету мақсатында 2026 жылғы ҚазҰМУ Комиссиясының құрамына «Қаржы орталығы» АҚ өкілдерін енгізу ұсынылды.

ҚазҰМУ Комиссиясының жұмысы заң талаптары мен түлектердің, өңірлердің және медициналық ұйымдардың мүдделері арасындағы теңгерімді қамтамасыз етуге бағытталған.

Барлық қызмет ашық жүргізіледі және мемлекеттік органдар мен қоғамдық құрылымдардың өкілдері қатысады.

Университеттің мақсаты — жас мамандарды тек жұмысқа жіберу ғана емес, олардың нақты жұмыспен қамтылуын, кәсіби бейімделуін және Қазақстан Республикасының денсаулық сақтау жүйесінде кадрлардың тұрақты бекітілуін қамтамасыз ету.