• Мәдени—шығармашылық іс-шараларды ұйымдастыру және өткізу
  — концерттер, конкурстар, фестивальдар, көрмелер және тақырыптық бағдарламалар.
• Дарынды жастарды қолдау — шығармашылық қабілеті бар студенттерді анықтау, сүйемелдеу және дамыту.
• Шығармашылық ұжымдарды құру және дамыту — вокалдық, би, театрлық, көркем, медиа және басқа студиялар.
• Республикалық және халықаралық жобаларға қатысу — университеттің шығармашылық конкурстарға, форумдарға, фестивальдерге қатысуы.
• Университеттің мәдени ортасын қалыптастыру —білім алушылардың эстетикалық мәдениетін, руханилығын, патриотизмін және әлеуметтік—мәдени белсенділігін дамыту.
• Жеке тұлғаның өзін-өзі жүзеге асыруына ықпал ету — шығармашылық арқылы жеке қабілеттерді ашуға мүмкіндік беру.
• Ынтымақтастық ұйымы — мемлекеттік мекемелермен, мәдени ұйымдармен және серіктестермен өзара іс-қимыл жасау.

С.Ж.Асфендияров атындағы Қазақ ұлттық медицина университетінің аумағында өнер туындыларын орналастыруға арналған ашық кеңістік жұмыс істейді. Аталған кеңістік университеттің мәдени және білім беру инфрақұрылымының ажырамас бөлігі болып табылады.

Университет кампусы аумағында медицина, ғылым және қоғамдық қызмет салаларында елеулі үлес қосқан тұлғаларға арналған мүсіндік композициялар, ескерткіштер мен көркем мүсіндер орналастырылған. Бұл нысандар университеттің сәулеттік ортасына үйлесімді енгізіліп, білім алушыларға, оқытушыларға, қызметкерлерге және қонақтарға еркін қолжетімді.

Ашық көркем кеңістік мәдени-ағартушылық, тәрбиелік және мемориалдық қызметтер атқарады. Қоғамдық аумақтарда өнер туындыларын орналастыру эстетикалық қабылдауды қалыптастыруға, тарихи және кәсіби мұраға құрметпен қарауға, сондай-ақ білім алушылардың мәдени көкжиегін кеңейтуге ықпал етеді.

Көркем нысандар орналасқан аумақ келесі бағыттар бойынша пайдаланылады:

• студенттермен жүргізілетін тәрбиелік және сабақтан тыс жұмыстар;
• естелік, салтанатты және мәдени іс-шараларды өткізу;
• экскурсиялық және ағартушылық бағдарламалар;
• эстетикалық тұрғыдан бай әрі қолайлы білім беру ортасын қалыптастыру.

Университет аумағында келесі көркем және мемориалдық нысандар орналасқан:

• «Батырлар аллеясы» — ерлік, батылдық және отансүйгіштікке арналған мемориалдық кеңістік;
• М.Маметова және В.Иванилов атындағы әскери-патриоттық орталық — жастардың азаматтық жауапкершілігі мен патриоттық құндылықтарын қалыптастыруға бағытталған нысан;
• С.Ж. Асфендияров бюсті — университеттің негізін қалаушы, көрнекті мемлекет және қоғам қайраткерінің құрметіне орнатылған ескерткіш;
• «Ұстазыма» ескерткіші — ұстаз еңбегінің маңызын және тәлімгерлікке деген құрметті бейнелейтін көркем композиция;
• Абу Али ибн Сина мүсіні — әлемдік медицинаның негізін қалаушылардың біріне арналған символдық ескерткіш;
• «Сүйінші» мүсіндік композициясы — ұлттық мәдени дәстүрлер мен құндылықтарды бейнелейтін көркем нысан.

Өнер туындыларын орналастыруға арналған ашық кеңістіктің болуы университеттің білім беру, мәдениет және қоғамдық құндылықтарды үйлестіретін үйлесімді кампус ортасын қалыптастыруға ұмтылысын көрсетеді.