ҚазҰМУ – 2026 БОС ЖҰМЫС ОРЫНДАРЫ ЖӘРМЕҢКЕСІ
Түлектерді жұмыспен қамтуға жәрдемдесу және жұмыс берушілермен өзара байланысты нығайту мақсатында
С.Д. Асфендияров атындағы Қазақ ұлттық медицина университетінде
«Бос жұмыс орындары жәрмеңкесі – 2026» өткізілді.
1. Іс-шара туралы жалпы ақпарат
Іс-шараға өңірлік денсаулық сақтау басқармаларының, медициналық ұйымдардың,
санитариялық-эпидемиологиялық қызметтердің өкілдері, сондай-ақ университет түлектері қатысты.
Іс-шараның негізгі көрсеткіштері:
- тіркелген жұмыс берушілер саны — 142;
- іс жүзінде қатысқан жұмыс берушілер саны — Қазақстан Республикасының 18 өңірінен 131 жұмыс беруші;
- ұсынылған презентациялар саны — 14;
- ағымдағы жылғы қатысқан түлектер саны — 1 472.
Жұмыс берушілерді тіркеу нысанының сілтемесі:
Google Form
Өңірлер бойынша қатысушылар саны
| № | Өңір | Қатысушылар саны |
|---|---|---|
| 1 | Ақмола облысы | 11 |
| 2 | Алматы облысы | 16 |
| 3 | Атырау облысы | 10 |
| 4 | Абай облысы | 1 |
| 5 | Алматы қ. | 14 |
| 6 | Астана қ. | 1 |
| 7 | Жамбыл облысы | 11 |
| 8 | Жетісу облысы | 4 |
| 9 | Қарағанды облысы | 8 |
| 10 | Қостанай облысы | 3 |
| 11 | Қызылорда облысы | 4 |
| 12 | Батыс Қазақстан облысы | 19 |
| 13 | Солтүстік Қазақстан облысы | 1 |
| 14 | Шығыс Қазақстан облысы | 1 |
| 15 | Ұлытау облысы | 1 |
| 16 | Павлодар облысы | 1 |
| 17 | Түркістан облысы | 8 |
| 18 | Маңғыстау облысы | 17 |
| Барлығы | 131 | |
2. Пленарлық бөлім
Іс-шара медициналық және фармацевтикалық кадрларды даярлау мәселелеріне арналған
пленарлық бөліммен ашылды.
Баяндамалармен сөз сөйлегендер:
- Жалпы медицина-2 мектебінің деканы Гүлжан Амангелдіқызы Шопаева — интернатура бойынша;
- Жоғары оқу орнынан кейінгі білім беру факультетінің деканы Абылай Ниятұлы Баймаханов — резидентура бойынша.
Баяндамалардың қорытындысы бойынша қатысушыларға мамандарды даярлаудың өзекті тәсілдері таныстырылып,
білім беру траекторияларының ерекшеліктері түсіндірілді.
2025–2026 оқу жылында күтілетін жалпы бітірушілер саны — 3 030 адам.
Даярлау бағдарламалары бойынша күтілетін бітірушілер саны
| № | Мамандық | Бітірушілер саны / оның ішінде грант бойынша |
|---|---|---|
| 1 | Жалпы медицина (ЖПД) | 1 179 / 716 |
| 2 | Педиатрия | 306 / 293 |
| 3 | Стоматология | 113 / 12 |
| 4 | Резидентура | 760 / 485 |
| 5 | Магистратура | 83 / 42 |
| 6 | PhD докторантура | 23 / 22 |
| 7 | Мейіргер ісі | 3 / 3 |
| 8 | Фармация | 39 / 13 |
| 9 | Фармацевтикалық өндіріс технологиясы | 524 / 523 |
| Барлығы | 3 030 / 2 109 | |
3. Жұмыс берушілердің баяндамалары
Іс-шараның 10:50–12:00 аралығында өткен негізгі бөлімінде өңірлер мен
денсаулық сақтау ұйымдарының өкілдерінің баяндамалары тыңдалды.
Жұмыс берушілер төмендегі бағыттар бойынша ақпарат ұсынды:
- өзекті бос жұмыс орындары;
- жас мамандарды әлеуметтік қолдау шаралары;
- өңірлердің кадрларға қажеттілігі;
- жұмысқа орналасу және кәсіби даму шарттары.
Баяндама жасағандар қатарында Жамбыл, Атырау және Маңғыстау облыстарының денсаулық сақтау
басқармаларының өкілдері, санитариялық-эпидемиологиялық департаменттердің, түрлі өңірлердегі
медициналық ұйымдардың, сондай-ақ мемлекеттік құрылымдардың өкілдері болды.
Аталған бөлім аясында барлығы 14 презентация ұсынылды.
Жұмыс берушілерден университетке келіп түскен ақпаратқа сәйкес, медициналық және фармацевтикалық
кадрларға жалпы қажеттілік 2 279,25 бос жұмыс орнын құрады.
Өңірлердің кадрларға қажеттілігі
| № | Өңір / ұйым | Кадрларға қажеттілік |
|---|---|---|
| 1 | Алматы облысы | 128,5 |
| 2 | Павлодар облысы | 210 |
| 3 | Батыс Қазақстан облысы | 292,8 |
| 4 | Атырау облысы | 63 |
| 5 | Солтүстік Қазақстан облысы | 109,5 |
| 6 | Қызылорда облысы | 139 |
| 7 | Жамбыл облысы | 150 |
| 8 | Қостанай облысы | 68 |
| 9 | Жетісу облысы | 295,75 |
| 10 | Абай облысы | 140,25 |
| 11 | Қарағанды облысы | 421,75 |
| 12 | Алматы қ. | 182,75 |
| 13 | ҚР СЭБК | 194 |
| Барлығы | 2 279,25 | |
4. Түлектермен жеке жұмыс
Пленарлық бөлім аяқталғаннан кейін, сағат 12:00-ден бастап, жұмыс
7-оқу корпусында жалғастырылып, онда арнайы аудиторияларда түлектердің
жұмыс берушілермен жеке кездесулері ұйымдастырылды.
Өзара іс-қимыл форматы мыналарды қамтыды:
- жеке консультациялар;
- әлеуетті жұмыс берушілермен сұхбаттасу;
- жұмысқа орналасу шарттарын талқылау;
- түлектерді алдын ала бөлу.
Сонымен қатар Жамбыл және Маңғыстау облыстарының өкілдері жергілікті
атқарушы органдармен (ЖАО) өзара іс-қимыл аясында түлектермен және резиденттермен
жеке кездесулер өткізді.
5. Іс-шараның қорытындылары
«Бос жұмыс орындары жәрмеңкесі – 2026» іс-шарасына 1 472 түлек қатысып,
мақсатты аудиторияның кең қамтылуын және түлектердің жоғары деңгейде қатысуын қамтамасыз етті.
Іс-шара қорытындысы бойынша:
- түлектердің әлеуетті жұмыс берушілермен тікелей байланысы қамтамасыз етілді;
- түлектердің өзекті бос жұмыс орындары мен әлеуметтік қолдау шаралары туралы хабардарлығы арттырылды;
- университеттің өңірлік денсаулық сақтау басқармаларымен және медициналық ұйымдармен өзара байланысы кеңейтілді;
- түлектерді кәсіби жұмысқа орналастыру үшін қосымша мүмкіндіктер жасалды;
- жеке консультациялар, сұхбаттасулар және түлектерді алдын ала бөлу жұмыстарын жүргізуге жағдай жасалды.
«Бос жұмыс орындары жәрмеңкесі – 2026» жұмыс берушілер мен түлектер
тарапынан жоғары қызығушылық бар екенін, сондай-ақ бұл формат жас мамандарды жұмыспен
қамтуға жәрдемдесудің және ҚазҰМУ-дың Қазақстан Республикасының өңірлерімен өзара
байланысын нығайтудың тиімді құралы екенін көрсетті.
Leave A Comment