Осы ән-байқауға кафедрамыздың информатика пәнінің оқытушысы Баракова Әлия Шаризатқызы және 1-курс студенті Амангелді Жанат қатысты. 1-турдың шарты бойынша 60-80 жылдардағы ретро әндер орындалу керек болғандықтан Е.Хасангалиевтің «Алматының алмасы» әнін орындап, байқауға қатысушылардың арасынан 2-ші орынға ие болды.
4-сәуір күні осы байқаудың 2- туры болып өтті. Бұл турдың тақырыбы «Диско-80» болғандықтан қос әншіміз «На теплоходе музыка играет» әнін орындап шықты. Бұл кезеңде де қатысушыларымыз 2-орынды иемденіп, 3- турға жолдама алды. Келесі кезеңде біздің әріптестіміз бен студентімізді жоғары орыннан көреміз деген ойдамыз. Құрметті көрермендерімізге, жанкүйерлерімізге «Екі жұлдыз» ән байқауына асығыңыздар деп- айтқымыз келеді. Үшінші турда амандықпен кездесейік!