Сіздерді 8 наурыз Халықаралық әйелдер күнімен шын жүректен құттықтаймыз!
Көктем шуағымен ілесе келетін, осынау бір тамаша көктем мерекесі әйелге тән әдемілік пен нәзіктіктің символы іспеттес.
Қымбатты әйелдер қауымы!
Жер-жаһанның жаңаруын, оның сәні мен мәнін паш етіп келе жатқан тамаша көктемнің мерекесі Сіздерге және отбасыларыңызға мол береке, бақыт, шаттық, мызғымас денсаулық, болашаққа зор сенім, көтеріңкі көңіл-күй әкелсін!
Оқу-әдістемелік жұмыстар департаментінің ұжымы
ӘЙЕЛДЕР-АЙ!!!
Әйелдер-ай!
Әйелдер-ай!
Қандайсың?!
Әдемі боп кетіпсің ғой әрқайсың.
Біреу жеріп тұрса-дағы қалмайсың,
Біреу сүйіп тұрса-дағы бармайсың.
Әйелдер-ай!
Әйелдер-ай, қандайсың?!
Әйелдер-ай!
Әйәйлар-ай, қулар-ай,
Жанарлардың жауын алып тұрғаны-ай!
Біле тұра бүйректерің бүлк етіп,
Кетесіңдер тыңдай тұра, тыңдамай.
Әйелдер-ай!
Әй-әйлар-ай, қулар-ай!
…Әйелдерді еркектерден көп дейді.
Ойбай,
Ойбай!..
Бола берсін көп, мейлі!
Әйел деген әдемі ғой, әдемі,
Әдемілік бізге көптік етпейді…
Мұқағали Мақатаев