2016 жылдың 25 қарашасында C. Ж. Асфендияров атындағы ҚазҰМУ«Concordia» театрында Университет әкімшілігінің қолдауымен «Concordia шақырады» бағдарламасы аясында және мәдени танымдық бағытта ҚР Тәуелсіздігінің 25-жылдығына орай, «Виртуозы Алматы» жаңа жасаспаптар оркестрінің алғаш классикалық музыка концерті өтті.
Группаның көркемдік жетекшісі және мүшесі, халықаралық конкурстардың лауреаты – Амир Бисенгалиев. Дирижері, ҚР еңбек сіңірген қайраткері – Юрий Дороховский. Кеште Бах, Моцарт, Вивальди, Паганини және Құрманғазының атақты шығармалары орындалды. ҚазҰМУ студенттері мен оқытушыларынан құралған көрермендер, жас аспаптар оркестрінің концертін жылы қабылдап, әлемдік музыканың әуеніне тамсанып тарқасты.
Іс-шараның мақсаты – студенттердің классикалық музыкаға қызығушылығын ояту. Залдың асқақ қошеметі және көрермен мен сазгерлердің жүзіндегі ризашылық, тамылжыған күйдің санаға ұялап қана емес, жүректерде өз орнын табарын аңғартқандай.