Құрметті ҚазҰМУ оқытушылары және студенттер!
Сіздерді жаңа оқу жылының бастау алғанына қуана отырып, «1 қыркүйек күні – Білім күні» және «30 тамыз – ҚР Конституция күніне» орай өтетін салтанатты іс-шараға шақырамыз!
Салтанатты жиын ректорат алаңында (Алматы қаласы, Төле би көшесі, 94) 1 қыркүйек күні сағат 10.00-де бастау алады. Жаңа оқу жылының басталу рәсіміне университет әкімшілігі, оқытушы-профессорлық құрам, жоғары курс студенттері және университетімізге алғашқы қадамдарын басып отырған 1 курс студенттері қатысады.
Іс-шарадан соң 1 курс студенттері сағат 11.30-да «Сoncordia» театрында университет ректорымен кездеседі. Ректормен кездесуден кейін студенттер өзіне қарасты факультет декандарымен кездеседі. Ұстаздарды аталмыш мерекемен құттықтап, баршаңызды салтанатты жиында күтеміз!